Да 90-годдзя раённай газеты

Информация / Новости Кричева 13.01.2020, 10:01 0   

У студзені 2021 года раённай газеце спаўняецца 90 год. За гэты час у ёй было надрукавана шмат артыкулаў, інфармацый, нарысаў, расказаў… Крычаўляне з задавальненнем чытаюць аб тым, што робіцца ў раёне, аб дасягнен­нях сваіх землякоў. Мы пачынаем праект, у якім будзем расказваць, аб чым пісала “раёнка” ў розныя гады, аб яе супрацоўніках, таленавітых аўтарах і г.д. Пачынаем з матэрыялаў, якія былі надрукаваны ў нумары газеты “Ленінскі Кліч” (так тады называлася “раёнка”) за 11 студзеня 1983 года. (Правапіс таго часу захаваны.)

Вылучэнне кандыдатаў у дэпутаты

20 студзеня – выбары ў гарадскі Савет па Мікрараённых выбар­чых акругах № 48 і № 52.
У камбінаце бытавога абслугоўвання адбыўся агульны сход рабочых, інжынернатэхнічных работнікаў і служачых, прысвечаны вылучэн­ню кандыдатаў у дэпутаты гарадскога Савета замест выбыўшых дэпутатаў. Кандыдатамі ў дэпутаты аднагалосна названы: па Мікрараённай выбарчай акрузе № 48 – другі сакратар гаркома КПБ Ляхаў Валерый Андрэявіч, па Мікрараённай выбарчай акрузе № 52 – начальнік Крычаўскага аддзялення УКГБ Юркін Іван Захаравіч.

Будуць трактарыстамі

У радзе гаспадарак надаюць важнае значэнне падрых­тоўцы механізатарскіх кадраў. Пры раённай райсельгас­тэхніцы пачалі працаваць курсы, на якіх навучаецца 21 чалавек з калгасаў “Запаветы Леніна”, “Вялікі Кастрыч­нік”, “Камунар”, “Памяць Леніна”. Вучоба разлічана на тры месяцы, пасля заканчэння якой курсанты атрымаюць пасвед­чанне трактарыстаў трэцяга класа. Навучаюцца слесары, паляводы, іншыя сельскія работнікі.
У калгасах «Запаветы Леніна» і “Камунар” працуюць курсы па павышэнню кваліфікацыі механізатараў. Пры сель­гастэхніцы пачнуць хутка работу курсы па асваенню трактараў Т-150 і МТЗ-80.
В. Белахонаў.

Калі працаваць брыгадай

Добра закончыў другі год пяцігодкі калектыў аўтапарка. Абязацельствы па дастойнай сустрэчы 60-годдзя ўтварэння СССР паспяхова выкананы.
Лепшай прызнана брыгада № 1 (брыгадзіры Ф.Ф. Гаўрыленка і А.А. Старасценка). Гэты калектыў, які працуе па брыгаднаму падраду, неаднаразова займаў прызавыя месцы. Па выніках работы за трэці квартал і другое паўгоддзе яму прысвайвалася званне “Лепшая брыгада” з уручэннем Ганаровай граматы і грашовай прэміі. І вось новая перамога. За першынство ў рэспубліканскім спаборніцтве па дастойнай сустрэчы юбілею краіны каллек­тыву прысвоена званне “Лепшая брыгада міністэрства аўтатранспарту БССР”. Брыгадзе ўручан пераходны Чыр­воны вымпел міністэрства аўтатранспарту і прэзідыума БРК прафсаюза і грашовая прэмія 720 рублёў…
Т. Рачыцкая,
старшы эканаміст аўтапарка.

Аб гэтым нельга забываць

Сярод розных відаў невытворчага траўматызму адно з першых месц займае вулічны траўматызм. Найбольшая колькасць транс­партных траўм прыходзіцца на зімовыя месяцы, асабліва ў пачатку і канцы тыдня. Гэта тлумачыцца тым, што многія вадзіцелі злоўжываюць спіртнымі напіткамі, і ў першыя дні тыдня працаздольнасць і ўважлівасць зніжаны, а ў кан­цы тыдня ўплывае стомленасць.
Назіранні паказваюць, што павелічэнне транспар­т­ных сродкаў не абумоўлівае значны рост траўматыз­му. Большая частка пашкоджанняў ад сродкаў транс­парту ўзнікае ў выніку парушэнняў правілаў вулічнага руху вадзіцелямі, пешаходамі, веласіпедыстамі, пасажырамі. Вельмі часта наезды на пешаходаў адбываюцца з-за іх недысцыплінаванасці…
У 1982 годзе работнікамі ДАІ было затрымана шмат вадзіцеляў, якія знаходзіліся за рулём машыны ў не­цвярозым стане. З іх многія не мелі праў на ваджэнне аўтатранспарту (трактарысты, камбайнеры)…
Я звяртаюся да работнікаў ДАІ, праваахоўных органаў прымаць самыя строгія меры да тых, хто груба парушае правілы на дарогах, не захоўвае правілы руху, што прыводзіць да няшчаных выпадкаў.
С. Жарын,
хірург-траўматолаг.

Ручны мяч

У спартыўнай зале СШ № 6 адбыліся спаборніцт­вы па ручному мячу сярод школьнікаў 6-7 класаў, якія вялі барацьбу за пераходны прыз гарадской ДЗЮСШ. У дзяўчат найбольш роўна правялі турнір гандбалісткі СШ № 7, якія перамаглі ва ўсіх сустрэчах. Сярод хлапчукоў першынствавалі спартсмены СШ № 5.
У агульнакамандным заліку перамаглі гандбалісты СШ № 7. На другім месцы СШ № 1, на трэцім – каман­да СШ № 5.
Неабходна адзначыць добрую гульню ўратароў Г. Асіпенка (СШ № 1) і С. Новікавай (СШ № 7), палявых ігракоў В. Гаўрыленка (СШ № 6), С. Міранец (СШ № 3), А. Жарава (СШ № 5), О. Волкавай (СШ № 1), В. Жылінскага, О. Дудыка і самай юнай удзельніцы спаборніцтваў Л. Трыфан­ковай з СШ № 7.
К. Цітоў,
трэнер гарадской ДЗЮСШ.

Да ведама грамадзян

З 1 студзеня гэтага года жыхары горада маюць магчымасць глядзець другую агульнасаюзную праграму па 2 каналу.
На многіх шматкватэрных дамах работнікі радыётэлеатэлье раней устанавілі антэны калектыўнага карыстання. Цяпер яны прымаюць меры па далейшаму правядзен­ню гэтай работы.
Грамадзянам прапануецца не ўстанавліваць індывідуальныя антэны на шматкватэрных дамах.
В. Скробаў,
загадчык радыётэлеатэлье.

Кричевская Жизнь (Новости)
  • Оцените публикацию

Похожие публикации

У данной публикации еще нет комментариев. Хотите начать обсуждение?

Вы не авторизованы!

Обратите внимание, если вы не авторизуетесь, то Ваш комментарий перед публикацией обязательно будет отправлен на модерацию.
Рекомендуем вам войти под своим логином
Или используйте авторизацию через соц.сети
@
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
Вопрос:

На полянке рос цветок, Словно стрелка, стебелёк, А на тонком стебелёчке — Ярко-синие звоночки.

Ответ: *

Кликните на изображение чтобы обновить код, если он неразборчив